救主我愛就你 Kiù Chú Góa Ài Chiū Lí Nearer my God to thee

 

救主我愛就你/Kiùchú góa ài chiū Lí/Nearer my God to thee

1 救主我愛就你，較倚近你，

Kiùchú góa ài chiū Lí, Khá óakīn Lí,

雖然當負十架，求你扶持，

Suijiân tio̍h pōe si̍pkè, Kiû Lí hûchhî,

我心時常吟詩，救主我愛就你，

Góa sim sîsiông gîmsi. Kiùchú góa ài chiū Lí,

救主我愛就你，來就近你。

Kiùchú góa ài chiū Lí, Lâi chiūkīn Lí.

 

2 雖然遇著出外，無處可宿，

Suijiân tútio̍h chhutgōa, Bô tè thang hioh.

更深暗冥罩我，靠頭用石，

Kiⁿ chhim àmmê tà góa, Khòa thâu iōng chio̍h

眠夢猶原欣慕，救主我愛就你，

Bînbāng iûgoân himbō͘, Kiùchú góa ài chiū Lí,

救主我愛就你，來就近你。

Kiùchú góa ài chiū Lí, Lâi chiūkīn Lí.

 

3 夢中看見天開，榮光出現，

Bāng tiong khòaⁿkìⁿ thiⁿ khui, Êngkng chhuthiān,

上帝施落恩惠，天地相連，

Siōngtè silo̍h unhūi, Thiⁿ tē saⁿliân,

天使對我招呼，救主我愛就你，

Thiⁿsài tùi góa chioho͘, Kiùchú góa ài chiū Lí,

救主我愛就你，來就近你。

Kiùchú góa ài chiū Lí, Lâi chiūkīn Lí.

4 睡醒歡喜記念，讚美吟詩，

Khùnchhíⁿ hoaⁿhí kìliām, Oló gîmsi,

所過凄慘煩惱， 成伯特利，

Só͘ kòe chhichhám hoânló, Chiâⁿ Pekte̍klī,

苦境變做聖路，救主我愛就你，

Khó͘kéng pìⁿ chòe sènglō͘, Kiùchú góa ài chiū Lí,

救主我愛就你，來就近你。

Kiùchú góa ài chiū Lí, Lâi chiūkīn Lí.