願全能主上帝

聖詩401願全能主上帝

願全能主上帝，
保守賜福永無替；
賜平安，完全平安，
堅心勇敢除萬難。
攑目仰望主的面，
享受恩典永無盡；
願全能主上帝，
保守賜福永無替。

願主仁及你同在

聖詩 400 願主仁愛及你同在

願主仁愛及你同在，
無論去啥所在，
願主賜福你心神得安寧；
及你分享主的疼痛親像長流活水，
佇濛霧烏暗暝看見主的光。

華語
願主的愛與你同在，
無論你在何方，
願祂賜福你心靈安康；
主的愛如流水沖沖與你分享祂的愛，
在那濛濛的黑夜裡見主光。

阮為萬民求主照顧

聖詩525 阮為萬民求主照顧

1.阮為萬民求主照顧，
施恩逐國逐族，
閣求顧阮最愛鄉土，
賜福佇阮本國。

2.阮眾祖先墳墓佇遮，
親族踮遮徛起，
阮做子孫也欲踮遮，
別位豈會通比？

3.互阮免得抵著戰爭，
國境平安、快樂，
城市發展鄉鎮振興，
田園收成充足。

4.互阮大家成做一體，
相疼擁護真理，
自由詩歌響亮無替，
遍地逐位歡喜。

5.萬邦的主，阮將本國
交代佇祢聖手，
求祢保護，施恩賜福，
久長做阮拯救。阿們。

為此塊土地阮誠心祈禱

聖詩519 為此塊土地阮誠心祈禱

為此塊土地阮誠心祈禱，
願主的真理若光全地遍照；
為此個城市阮謙卑懇求，
願主賜活命互阮骨肉得救。
願全能天父上帝，祢聖國降臨，
願喪鄉及悲傷攏離開阮心中；
願全能天父上帝，祢旨意得成，
願向望及喜樂永遠踮阮心中。

願主伸祢聖手

聖詩583 願主伸祢聖手

願主伸祢聖手
牽我做我保護，
雖然抵著引誘，
我願行主的路；
豈採佇烏暗暝，
抑是山嵌深淵，
主若是祢旨意，
我行無欲延延。

我無倚靠氣力，
也無用我智慧，
無掠家己知識
來揀欲去的位；
只有得主引導，
通行妥當路途，
主祢歡喜牽我，
穩當攏無錯誤。

救主給我安排
我所著飲的杯，
若是主祢所愛，
決斷無欲辭退；
無論心肝歡喜，
抑是悲傷失志，
主祢著斟滿伊，
我願伸手來接。

雖有窘迫凌辱，
閣有死失陷害，
我若受主替贖，
心就安然自在；
願世界眾罪惡
攏滅佇主面前，
通成做上帝國，
親像美妙天庭。

無論佇甚麼時陣

聖詩599 無論佇甚麼時陣
Don’na Tokidemo
どんなときでも
Anytime and Anywhere

無論佇什麼時陣
無論佇什麼所在
當較贏憂傷患難
不得絕望亦不可失志
主耶穌的愛,主耶穌的愛
當深信有祂的愛

無論佇什麼時陣
無論佇什麼所在
當盼望主賜平安
不得絕望亦不可失志
主耶穌的愛 主耶穌的愛
因為有耶穌的愛

Don’na Tokidemo
どんなときでも
どんなときでも
苦しみに負けず
くじけてはならない
イエスさまの イエスさまの
愛を信じて

どんなときでも
どんなときでも
幸せをのぞみ
くじけてはならない
イエスさまの
イエスさまの
愛があるから

Anytime and Anywhere
know that Jesus’ love is there
When in grief and loss, when in pain
God will strengthen and sustain
Put your hope in God;
Trust his holy Word;
Every time and everywhere

Anytime and anywhere
know that Jesus’ love is there
Don't despair, for God is kind
Look for joy and you will find
Put away your fear
God is very near
Every time and everywhere

日斜西山願主祢及我住

聖詩368 日斜西山願主祢及我住

日斜西山，願主祢及我住，
暗暝愈深，求祢莫放拺我；
全無依倚，同伴離別我去，
助人的主，願祢及我徛起。

日子緊緊親像流水過去，
世情歡喜，奢華快樂飛去；
四面所看萬物攏會變換，
未換的主，求祢及我永住。

逐時逐刻我欠救主扶持，
家己無路通贏對敵計智；
只有救主導我，互我自在，
境遇好歹，願主踮我心內。

無論死活，願主及我徛起，
若到臨終，憂愁、驚惶、僥疑
若雲罩我，求祢榮光出現，
拍散暗霧，互我安然歸天。阿們。

時刻我欠用主

時刻我欠用主
I Need Thee Every Hour

時刻我欠用主，極大慈悲，
當聽我主的聲，就能歡喜。
求主永站在我心裏，
時刻與我在的，
我欣慕此號福氣，
求主賞賜！

時刻我欠用主，你若近倚，
試煉攏無氣力，可迷惑我。
求主永站在我心裏，
時刻與我在的，
我欣慕此號福氣，
求主賞賜！

時刻我欠用主，無論禍福，
求你與我無離，纔有安樂。
求主永站在我心裏，
時刻與我在的，
我欣慕此號福氣，
求主賞賜!

時刻我欠用主，至聖至善，
真愛作你的子，久長無變。
求主永站在我心裏，
時刻與我在的，
我欣慕此號福氣，
求主賞賜!
阿們

台語唸誦主的祈禱文 使徒信經 尼西亞信經

台語唸誦主的祈禱文 使徒信經 尼西亞信經

主禱文
阮在天裡的父，願你的名聖，
你的國臨到，你的旨意得成，
佇地裡親像佇天裡。
阮的日食今仔日給阮。
赦免阮的辜負，親像阮也有赦免辜負阮的人。
莫得導阮入佇試，著救阮脫離彼個歹的。
因為國，權能，榮光攏是你所有，代代無盡。
阿們。

使徒信經
我信上帝，全能的父，創造天地的主宰。
我信耶穌基督，上帝的獨生子，咱的主。
祂對聖神投胎，對在室女馬利亞出世；
佇本丟彼拉多任內受苦，
釘十字架，死，埋葬，落陰府；
第三日對死人中復活，上天，
今坐佇全能的父上帝的大旁；
祂欲對遐閣來審判活人及死人。
我信聖神。我信聖，公同的教會，
聖徒的相通，罪的赦免；
肉體的復活；永遠的活命。
阿們。

尼西亞信經
阮信獨一全能的父上帝，
創造天地，一切有看見無看見萬物的主。
阮信獨一的主耶穌基督，上帝的獨生子。
祂佇一切的世代以前對父生的，
對上帝出的上帝，對光出的光，
對真神出的真神，是生的，毋是受造的，
及父同質同體。萬物對祂來創造。
祂為著咱人及為著咱的拯救，對天降臨，
對聖神藉在室女馬利亞出世成做人。
佇本丟彼拉多任內為咱釘十字架，
受難，埋葬，照聖經所記載第三日復活，
上天，現在坐佇父的正傍。
祂欲佇榮光再臨來審判活人及死人。
祂的國無窮無盡。
阮信賞賜活命的主聖神，對父及子出，
及父子同受敬拜，同受榮光，
祂曾託先知講話。
阮信一個，聖，公同，使徒的教會。
阮告白一個會得赦罪的洗禮，
阮期望死人復活，來世的活命。
阿們。

日落西山暗罩山嶺

聖詩372 日落西山暗罩山嶺

日落西山，暗罩山嶺，
頭前路遠通驚惶；
親人朋友先到天城，
留阮大家踮佇遮。
我的救主！暗暝求祢
容允我及祢徛起；
賜我平安，扶持保庇，
憂悶驚惶變歡喜。

烏暗世界，憂悶悲哀，
身軀性命驚受害；
主及我住，攏無掛礙，
親像踮佇天所在。
我的救主！暗暝求祢
容允我及祢徛起；
賜我平安，扶持保庇，
憂悶驚惶變歡喜。

照祢旨意，趁祢教示，
心肝平安過暗暝；
求主互我到天光醒，
時刻永踮我身邊。
我的救主！暗暝求祢
容允我及祢徛起；
賜我平安，扶持保庇，
憂悶驚惶變歡喜。
阿們。